Турчын павіншаваў беларусаў з Днём Дзяржаўнага флага, герба і гімна

Прэм'ер-міністр Аляксандр Турчын павіншаваў беларусаў з Днём Дзяржаўнага флага, Дзяржаўнага герба і Дзяржаўнага гімна падчас урачыстага рытуалу ўшаноўвання дзяржсімвалаў Беларусі на плошчы Дзяржаўнага флага, паведамляе БЕЛТА.

"Хачу ўсіх павіншаваць з адным з найважнейшых святаў нашай краіны, - адзначыў Аляксандр Турчын. - Жадаю міру, дабрабыту і росквіту нашай любімай Беларусі".

Прэм'ер-міністр таксама зачытаў зварот Прэзідэнта Рэспублікі Беларусь Аляксандра Лукашэнкі. "Выбар беларусаў, зроблены 30 гадоў таму, адзначыў урачыстасць гістарычнай справядлівасці і пачаў адлік мірнага стваральнага жыцця маладой краіны", - гаворыцца ў віншаванні кіраўніка дзяржавы.

У рамках святкавання шэсце з самым вялікім флагам Беларусі стартавала ад стэлы "Мінск - горад-герой". Палотнішча Дзяржаўнага флага ўражвае - 500 м даўжынёй і 9 м шырынёй. Вага - звыш 400 кг.

Флаг па праспекце Пераможцаў да плошчы Дзяржаўнага флага нясуць больш за 700 чалавек.