Літва, Латвія і Эстонія выходзяць з Атаўскай канвенцыі

Заходнія суседзі Беларусі - Літва, Латвія і Эстонія - афіцыйна паведамілі ААН  аб выхадзе з Атаўскай канвенцыі па забароне проціпяхотных мін.

Паводле працэдур,  рашэнне ўступіць у сілу праз 6 месяцаў пасля падачы дакументаў. На справе гэта азначае, што ўжо праз паўгода краіны Балтыі змогуць  вырабляць проціпяхотныя міны і прымяняць іх. А такія ўзрыўныя прыстасаванні прыводзяць да вялікіх ахвяр сярод мірнага насельніцтва і ўяўляюць небяспеку яшчэ доўгія гады пасля завяршэння ваенных дзеянняў. Раней стала вядома, што парламенты Польшчы і Фінляндыі  падтрымалі ідэю дэнансацыі Атаўскай канвенцыі.