Белдзяржцырк запрашае на яркую святочную казку "Навагодні ералаш"

"Навагодні ералаш" ад Белдзяржцырка. Прэм'ера з рэмаркай "У гасцях у казкі" аб'яднала паветраных гімнастаў, акрабатаў, клоўнаў, дрэсіраваных коней, марскіх коцікаў і не толькі. У цэнтры дзейства падарожжа снегавіка.

У паказе ўдзельнічаюць і галоўныя героі свята - Дзед Мароз і Снягурка. На манежы і Баба-яга, якая падрыхтавала для юных гледачоў навагодні перформанс.

У святочнай афішы Белдзяржцырка запланаваны і дабрачынны паказ у рамках шчодрай зімовай акцыі "Нашы дзеці". Новая праграма будзе радаваць маленькіх гледачоў да сярэдзіны студзеня.