Саюз магчымасцяў. ЕАЭС - сур'ёзны гулец на сусветнай арэне

ЕАЭС - не палітычны клуб, гэта эканамічная платформа, якая дае вынік. У 2015 годзе дагавор аб ЕАЭС уступіў у сілу. Праз 10 гадоў мы бачым рэальныя вынікі.

Гандаль мацнее, крызісы згладжваюцца. Агульны рынак энергарэсурсаў ужо фарміруецца, каб мы не залежалі ад капрызаў знешніх гульцоў. А колькі рабочых месцаў з'явілася дзякуючы сумесным праектам!

Гэта не проста лічбы - гэта жыццё людзей, якое змяняецца да лепшага. Платформа стабільнасці ў нестабільным свеце, магутны саюз пяці краін: Беларусі, Расіі, Казахстана, Арменіі і Кыргызстана.

Разам 180 млн чалавек, тэрыторыя - 20 млн кв. км. Пятая частка сушы - ад Брэста да Уладзівастока, ад Мінска да Ерэвана, Бішкека і Алматы. А яшчэ сукупны ВУП, які ў 2024 годзе перавысіў 2,5 трлн долараў. І гэта не абстракцыя. Гэта лічбы. Гэта вага - геапалітычная, эканамічная. Сведчанне таго, што саюз - сур'ёзны гулец на сусветнай арэне! Навошта ён патрэбен? Каб нашы краіны разам будавалі эканоміку, гандлявалі, развівалі праекты.

2025-ы - Год старшынства Беларусі ў ЕАЭС

Беларусь у 2025 годзе не проста ўдзельнік, а рулявы ЕАЭС. Наша краіна ўнесла 9 ініцыятыў, неабходных для стварэння агульнай эканамічнай прасторы, дзе будуць развівацца тэхналогіі: штучны інтэлект, электратранспарт, робататэхніка. Плюс новыя транспартныя калідоры накшталт "Поўнач - Поўдзень" і "Усход - Захад", каб грузы ішлі хутчэй, а прыбыткі раслі. Энергетыка, лагістыка, кааперацыя - вось нашы прыярытэты. Наша задача ў тым, каб ЕАЭС стаў не проста саюзам магчымасцяў, а сапраўднай сілай, з якой лічацца.