Будаўніцтва вялікага транспартнага кальца вакол Гродна

Чарговы этап будаўніцтва вялікага транспартнага кальца вакол Гродна завершаны. У перспектыве новы аб'ект звяжа некалькі спальных мікрараёнаў з міжнароднай трасай М6 і выйдзе да аўтадарогі, што вядзе да мяжы з Літвой. Гэта дазволіць значна разгрузіць цэнтр горада ад транзітных транспартных патокаў. Ужо цалкам пабудавана аўтамабільная развязка на выездзе з абласнога цэнтра. Актыўна работы вядуцца на самым складаным участку - былым чыгуначным мосце цераз Нёман. Яго рэканструююць пад аўтамабільны з захаваннем старых апор. Такі падыход дазволіць скараціць выдаткі на будаўніцтва воднай пераправы.

Плануецца, што першая чарга аб'язной дарогі будзе ўведзена ў эксплуатацыю ўжо ў пачатку наступнага лета.