У Індыі дзясяткі чалавек загінулі з-за паводак і апоўзняў

У Індыі ў разгары сезон мусонных дажджоў. У штаце Хімачал-Прадэш з-за апоўзняў і паводак загінуў сама меней 51 чалавек, звыш 100 пацярпелі. Без вестак прапалі 22 жыхары.

У штаце закрыта больш за 400 дарог, пашкоджаны жылыя дамы, масты, лініі электраперадачы, сельгасугоддзі. У рэгіёне аб'яўлены аранжавы ўзровень небяспекі, чакаецца пагаршэнне ўмоў надвор'я. Жыхарам рэкамендавана выконваць меры засцярогі.