У Беларусі прад'яўлена абвінавачанне камандзіру роты нацыстаў, які знішчаў Хатынь

Генеральная пракуратура Беларусі прад'явіла абвінавачанне яшчэ аднаму кату з 118-га ўкраінскага паліцэйскага батальёна Восіпу Вінніцкаму. Самае вядомае іх злачынства - знішчэнне вёскі Хатынь. Для даведкі: падчас акупацыі Беларусі батальён расправіўся з жыхарамі дзясяткаў вёсак у Мінскай, Віцебскай і Гродзенскіх абласцях.

У 1941-м Вінніцкі добраахвотна пайшоў на службу да нацыстаў. З моманту стварэння 118-га ўкраінскага паліцэйскага батальёна стаў камандзірам 1-й роты. Пасля вайны фашыст уцёк у Канаду. Савецкі Саюз неаднаразова адпраўляў запыты аб выдачы ваеннага злачынца. Афіцыйная Атава ката не выдавала. Ды і зараз яны там ушаноўваюць фашыстаў.