Беларусь прапаноўвае Батсване пастаўкі тэхнікі і супрацоўніцтва ў АПК

Беларусь прапаноўвае Батсване пастаўкі тэхнікі, супрацоўніцтва ў АПК і медыцыне.

Перспектывы двухбаковых адносін 2 ліпеня былі абмеркаваны на сустрэчы віцэ-прэм'ера Віктара Каранкевіча з міністрам міжнародных адносін гэтай паўднёваафрыканскай краіны. Дзяржавы будуюць адносіны адна з адной на аснове ўзаемнай павагі і даверу.

Па словах Віктара Каранкевіча, беларускі бок гатовы наладжваць адносіны па ўсім спектры напрамкаў дзейнасці, якія ўяўляюць цікавасць для Батсваны.

Госць у сваю чаргу выказаў падзяку за гасціннасць і адзначыў: у Батсване новы ўрад. Краіна трымае курс на індустрыялізацыю і гатова развіваць з намі супрацоўніцтва. Па-першае, каб забяспечыць уласныя патрэбнасці ў харчаванні, па-другое, для перапрацоўкі сельгаспрадукцыі. Вопыт Беларусі будзе вельмі дарэчы.