Брытанія атрымае знішчальнікі, здольныя несці ядзерную зброю, да 2030 года

Брытанія атрымае паветраныя носьбіты ядзернай зброі да 2030 года. Пра гэта заявіў міністр абароны Злучанага Каралеўства. Раней прэм'ер-міністр краіны Стармер аб'явіў, што Лондан закупіць у ЗША 12 знішчальнікаў F-35A, здольных несці тактычныя тэрмаядзерныя авіябомбы B61-12.

Базіравацца самалёты будуць на авіябазе ў графстве Норфалк на ўсходзе Брытаніі. Такім чынам у Злучанае Каралеўства вернуцца паветраныя носьбіты ядзернай зброі. Зараз яна размешчана выключна на 4 субмарынах, якія нясуць амерыканскія балістычныя ракеты Trident-2.