"Культурная сталіца" - горад Іванава Брэсцкай вобласці прыняў эстафету

Некалькі дзясяткаў творчых праектаў - прэзентацый, сустрэч з пісьменнікамі, мастакамі і рэжысёрамі, кінапрэм'еры і выставы, у тым ліку Нацыянальнага мастацкага музея. І, вядома, фінал адбору на міжнародны фестываль "Славянскі базар у Віцебску".

Бялынічы ўвесь год з гонарам неслі званне культурнай сталіцы Беларусі. Прыйшоў час перадаваць эстафету. На ўрачыстым закрыцці акцыі яе прыняў горад Іванава Брэсцкай вобласці.

"Год быў вельмі насычаны. Была магчымасць паказаць, на што мы здольныя, якія ў нас таленавітыя людзі, паказаць прыгажосць, расказаць пра сваю гісторыю, традыцыі. Дзякуй вялікі арганізатарам", - падзялілася Вольга Прыстромская, старшыня Бялыніцкага райвыканкама.

Ганаровае званне культурнай сталіцы прысуджаецца з 2010 года. Папулярызацыя рэгіёнаў, раскрыццё іх творчага патэнцыялу - галоўная ідэя акцыі.

Фота БЕЛТА