Працоўны калектыў "Кераміна" наведаў Палац Незалежнасці

Палац Незалежнасці Беларусі 16 ліпеня зноў адкрыўся для гасцей. Галоўны дзяржаўны сімвал наведаў працоўны калектыў "Кераміна". Убачыць манументальны будынак змаглі каля 100 чалавек.

Сярод гасцей былі заслужаныя працаўнікі, актывісты - усе, хто зрабіў уклад у развіццё сваёй арганізацыі. Большасць сёння ўбачыла палац знутры ўпершыню. Гэта падарунак да юбілею, прадпрыемству сёлета спаўняецца 75 гадоў.

Гасцям расказалі гісторыю і цікавыя факты, паказалі ўбранне, а таксама знакамітыя залы, дзе вырашаюцца найважнейшыя для краіны пытанні.

Экскурсіі па Палацы Незалежнасці сталі добрай традыцыяй. Ідэя адкрыць дзверы беларусам і гасцям нашай краіны належыць Прэзідэнту Аляксандру Лукашэнку.