"Увага! Гаворыць Мінск!" Беларускаму радыё - 99 гадоў

"Увага! Гаворыць Мінск!" - менавіта з гэтых слоў роўна 99 гадоў таму пачалася гісторыя Беларускага радыё. Старт быў дадзены 15 лістапада 1925 года ў 18 гадзін 30 хвілін.

Сёння ў структуры Белтэлерадыёкампаніі 13 радыёстанцый, у тым ліку ўсе рэгіянальныя, і больш за 200 унікальных праектаў. У інфармацыйнай сетцы вяшчання толькі вядомыя праграмы: "Актуальны мікрафон", "Такі дзень", "Радыёфакт".

Сапраўдным брэндам сучаснага Беларускага радыё стаў конкурс "Маладыя таленты Беларусі". У гэтым сезоне ён памяняў хвалю - прапіска талентаў зараз на канале "Культура".

Са студзеня 2025 года інфармацыйная лінейка Беларускага радыё будзе дапоўнена новымі акцыямі і праектамі, у тым ліку грамадска-палітычнымі. Дарэчы, стартам юбілейнага вяшчальнага сезона стане выбарчая кампанія.