Інтрыгай новай зоны "Школьная" ў Мінску стаў арыгінальны лабірынт

З кветак, шасцярэняк і экаматэрыялаў. На зялёнай карце ў сталіцы з'явілася новая зона адпачынку "Школьная". Размясцілася яна ў Маскоўскім раёне ўздоўж ракі Лошыца.

На лакацыі - спортпляцоўкі, лабірынт, альтанкі і тэрыторыя для выгулу сабак. Ноу-хау ціхай зоны – сучасныя арт-аб'екты. Па суседстве арыгінальныя лаўкі, якія змайстравалі работнікі прадпрыемстваў і арганізацый раёна ў карпаратыўных колерах і матэрыялах.

Мадэрнізацыя парку "Дубкі" ў Мінску

Абнавілі і інфраструктуру для адпачынку ў Фрунзенскім раёне. Так, у парку "Дубкі" ўсталявалі арт-лаўкі, дзіцячыя гульнявыя пляцоўкі і спартыўныя трэнажоры. У цэнтральнай частцы сквера размясцілася месца для заняткаў ёгай. Таксама абнавілі пешаходныя дарожкі і высадзілі кветкі.