120 гадоў з пачатку руху першага трамвая адзначаюць у Віцебску

Горад на Заходняй Дзвіне стаў першым, дзе з'явіўся гэты від транспарту. На трамваі тут пачалі ездзіць раней, чым у Маскве, Санкт-Пецярбургу і Мінску. Працягласць пуцей складала каля 10 кіламетраў, зараз - больш як 200. Да 1914 года трамваем кіравалі толькі мужчыны. Зараз большасць вадзіцеляў Віцебскага дэпо - жанчыны.

Дарэчы, падчас "Славянскага базару" і Дня горада ў абласным цэнтры арганізоўваюць трамвайныя экскурсіі. Даведацца пра гісторыю гэтага транспарту можна і ў музеі, экспазіцыя аб'ядноўвае больш чым 2 тысячы экспанатаў.