19 красавіка паводле царкоўнага календара - Вялікая субота. Вернікі рыхтуюцца да Вялікадня

19 красавіка ў вернікаў Вялікая субота. Дзень напярэдадні Вялікадня журботны і стрыманы. У храмах успамінаюць пахаванне Ісуса і знаходжанне яго ў труне.

Вернікі прыходзяць у царкву пакланіцца Плашчаніцы і падрыхтавацца да Вялікадня. Сёлета праваслаўныя і католікі адзначаць светлае свята ў адзін дзень - 20 красавіка. Апошні раз такое супадзенне было ў 2017 годзе. Ужо сёння, у Вялікую суботу, пасля набажэнства у храмах пачнецца асвячэнне велікодных яйкаў, кулічоў і іншых святочных страў. Хоць традыцыйна асвячэнне праходзіць у ноч на Вялікдзень, сучасная практыка дазваляе вернікам падрыхтавацца да святочнага стала загадзя. Праваслаўная жамчужына Беларусі - Жыровіцкі манастыр - таксама рыхтуецца прыняць вернікаў на святкаванне святога Вялікадня.

Паводле благаславення мітрапаліта Веніяміна на базе Мінскай духоўнай семінарыі будуць праводзіцца Велікодныя багаслоўскія курсы. Адзначым, зусім хутка Жыровіцкаму манастыру споўніцца 505 гадоў.