Мінск рыхтуецца да святкавання Дня Незалежнасці

Заўтра на працягу ўсяго дня будуць працаваць дзевяць ваенна-тэматычных пляцовак пад агульнай назвай "Нашчадкі Перамогі".

Патрыятычныя флэшмобы і велапрабегі, канцэрты і выставы - шырокую праграму сталіца рыхтуе да Дня Незалежнасці. Усяго ў Мінску заўтра пройдзе каля 120 мерапрыемстваў на дзясятках святочных пляцовак у кожным раёне горада. Разгорнуцца кірмашы і гандлёвыя рады ў тым ліку каля Палаца спорту, Камароўскага рынку і ў Верхнім горадзе.

Заўтра на працягу ўсяго дня будуць працаваць дзевяць ваенна-тэматычных пляцовак пад агульнай назвай "Нашчадкі Перамогі". Завершыцца святкаванне Дня Незалежнасці вялікім канцэртам ля стэлы "Мінск - горад-герой" і святочным феерверкам у 23 гадзіны. Сёлета яго можна будзе назіраць на шасці лакацыях: у парках Перамогі, Уга Чавеса і Паўлава, на набярэжнай вадасховішча Дразды, а таксама на пляцоўках каля Нацыянальнай бібліятэкі і "Чыжоўка-Арэны".