6 ліпеня выбіраюць лепшага ратавальніка Мінскай вобласці

Падняцца па штурмавой лесвіцы і патушыць імправізаванае ўзгаранне. Сапраўдную лінію вогненных выпрабаванняў сёння прайшлі 70 ратавальнікаў з усіх куткоў цэнтральнага рэгіёна. Фізічныя якасці паказалі байцы Мінскай вобласці падчас праходжання пажарнай эстафеты. Лепшыя адправяцца праз два тыдні прадстаўляць цэнтральны рэгіён на рэспубліканскім этапе спаборніцтваў.

Ілья Цвяткоў з месца падзей.

Праверка на трываласць, сілу і гатоўнасць да рэагавання на надзвычайныя сітуацыі любой складанасці праходзіць для ратавальнікаў Мінскай вобласці. Лепшага вогненнага байца цэнтральнага рэгіёна выбіраюць на спецыяльна падрыхтаванай паласе перашкод.

У Дзмітрыя Дубовіка, як і ў іншых ратавальнікаў, якія прыехалі на спаборніцтвы, за плячыма не адна гісторыя пра тое, як секунды і майстэрства вырашаюць зыход падчас ліквідацыі катастрафы. Таму хуткасць і час рэагавання трэніруюць штодня.

Пад'ём па штурмавой лесвіцы, транспарціроўка грузу, праца на сілавым трэнажоры, тушэнне з брандспойтаў па мішэнях. На ўвесь комплекс практыкаванняў не больш за 3 хвіліны. Праходзіць выпрабаванні неабходна ў поўнай баявой экіпіроўцы.

У аснове баявой эстафеты элементы з пажарна-выратавальнага спорту - вядомай ва ўсім свеце дысцыпліны, у якой нашы пажарныя рэгулярна паказваюць высокі вынік.

Для атлетаў-пажарных такое выпрабаванне ўсяго толькі ўзмоцненая трэніроўка перад галоўным этапам спаборніцтваў. Фінал за званне лепшага ратавальніка рэспублікі пройдзе праз два тыдні.