9 мая а 12-й гадзіне ў Беларусі пройдзе агульнанацыянальная хвіліна маўчання

9 мая а 12-й гадзіне ўся Беларусь аб'яднаецца ў агульнанацыянальнай хвіліне маўчання, каб ушанаваць подзвіг савецкага народа ў Вялікай Айчыннай вайне.

Дзе б вы ні былі - у офісе, дома, у транспарце або на гарадской плошчы - спыніцеся на імгненне, каб аддаць даніну павагі.

Журботныя ўдары метранома і мелодыя рэквіема прагучаць у эфіры нацыянальных тэлеканалаў, на вуліцах і грамадскіх месцах.

Храмы адзавуцца перазвонам, транспарт дасць сігнальныя гудкі, а ў некаторых месцах замрэ рух.

Беларусь памятае! Памятае кожнага! Спынімся на хвіліну і ўспомнім усіх, каму абавязаны жыццём!