А. Лукашэнка: Беларуская армія здольная процідзейнічаць любым сучасным пагрозам

Беларуская армія здольная процідзейнічаць любым сучасным пагрозам. А яе афіцэры - апора бяспекі дзяржавы. Гэта заявіў сёння наш Прэзідэнт, ушаноўваючы выпускнікоў ваенных ВНУ і вышэйшы афіцэрскі склад.

Па традыцыі ў пачатку ліпеня, адразу пасля галоўнага свята краіны, кіраўнік дзяржавы сустракаецца з ваеннай элітай. Гэта знак асаблівай павагі да афіцэрскага корпуса. У адной зале тыя, хто на варце міру і парадку па ўсіх франтах - вайскоўцы, праваахоўнікі, разведчыкі, пагранічнікі, ратавальнікі. Ужо заўтра ім трэба будзе вырашаць складаныя задачы, гарантуючы бяспеку кожны ў сваёй сферы. І ўсе яны прыклад іншым. Абараняць Радзіму - прафесія няпростая і справа гонару.

Падстава для сённяшняй сустрэчы ўрачыстая. Але ў той жа час гэта магчымасць акрэсліць галоўнае ў гарантаванні нацыянальнай бяспекі. Пагрозы сучаснага свету пастаянна выпрабоўваюць нас на трываласць. Аляксандр Лукашэнка сёння нагадаў пра складанасці бягучай сітуацыі. Фактычна разбурана структура міжнароднай бяспекі, абвастраецца геапалітычная напружанасць паміж Усходам і Захадам, вядзецца атака на нашу краіну. А значыць, кожны чалавек у пагонах павінен быць напагатове, незалежна ад ведамства, якое ён прадстаўляе.

<br>

Нацыянальная сістэма бяспекі вытрымала выпрабаванні мінулага года

Аляксандр Лукашэнка падкрэслівае - у нас адна з наймацнейшых армій у рэгіёне. Гэта прызнана нават апанентамі. Але галоўная каштоўнасць - гэта кадры, для якіх абарона сваёй краіны і роднага дома сталі сэнсам жыцця. Жорсткая праверка людзей у пагонах пройдзена летась. Тым самым зададзена высокая планка. Утрымаць яе - адна з асноўных задач.