А. Лукашэнка прыняў удзел у памятных мерапрыемствах у Брэсцкай крэпасці-героі

Родную зямлю і суверэнітэт нікому не аддадзім! Гэта заявіў Прэзідэнт падчас цырымоніі, што напярэдадні адбылася ля сцен Брэсцкай крэпасці. Яна стала кульмінацыяй памятных мерапрыемстваў, якія прайшлі па ўсёй краіне. Памятаем урокі мінулага, жывём на сваёй зямлі і гатовы ўсімі магчымымі сродкамі яе абараняць - як ніколі актуальна гучалі гэтыя словы беларускага лідара. У мемарыяльным комплексе адбыўся канцэрт памяці. Галоўныя моманты - у Наталлі Брэвус.

80 гадоў таму дзень 22 чэрвеня стаў страшнай мяжой паміж мірам і вайной. Фашысты не шкадавалі нікога. Гітлераўскія забойцы збіраліся прайсці па Беларусі пераможным маршам. Гэтак жа лёгка і хутка, як па краінах Еўропы. Але ля сцен гераічнай цытадэлі літаральна ў першыя гадзіны нацысцкі бліцкрыг сарваўся. Памятаем подзвіг абаронцаў.

Людзі стаялі насмерць перад ворагам. Былі верныя прысязе і Радзіме. Адстойвалі свабоду і незалежнасць. Два месяцы таму пайшоў ад нас апошні сведка тых падзей - Пётр Кацельнікаў. Але ў памяці народа ўсе героі жывыя!

Прамова Прэзідэнта ля сцен Брэсцкай крэпасці была як ніколі на злобу дня. Ужо ў наш час на "каляровы бліцкрыг" у Беларусі былі кінуты вялізныя фінансавыя рэсурсы. Апошні год быў няпростым. Напор гібрыднай вайны быў сур'ёзным, але выстаялі.

Беларусь заўсёды прытрымлівалася палітыкі міру і добрасуседства. Заўсёды была надзейным шчытом для Еўропы ад незаконнай міграцыі і наркатрафіку. Зусім не рытарычнае пытанне гучыць ад лідара: "На што можна разлічваць, калі не супрацоўнічаць, а душыць краіну?"

Гісторыя нічому не вучыць, з горыччу скажа Прэзідэнт. Мінула 80 гадоў, і вось роўна 22 чэрвеня ўводзяць санкцыі супраць нашых людзей і прадпрыемстваў. Страшны сімвалізм.

Прэзідэнт звярнуў увагу на шэраг выпадкаў у гісторыі, калі беларусам шмат абяцалі: і свабоду, і незалежнасць, і дзяржаву абяцалі стварыць на кончыках штыкоў.

Зробім усё, каб у рэгіёне было спакойна. Гэты галоўны меседж гучаў ад Прэзідэнтаі для паплечнікаў, і для зласліўцаў. Людзі, якія прайшлі агонь вайны, разумеюць цану міру.

Аляксандр Лукашэнка, Прэзідэнт Рэспублікі Беларусь:

Беларускі лідар звярнуў увагу, што свет сёння не замыкаецца толькі на Еўрапейскім саюзе: "На планеце дастакова адказных краін і цэлых рэгіёнаў, з якімі мы прадоўжым цесна супрацоўнічаць. За намі праўда, і мы - спадчыннікі вялікага пакалення, якое падарыла нам жыццё, свабоду і незалежнасць.

Ужо на заходзе адбыўся мітынг-рэквіем у гонар герояў. Гэта кульмінацыя памятных мерапрыемстваў, што прайшлі па ўсёй краіне. Гэта вечар памяці і вечар адзінства. Хедлайнерам стаў "Хор Турэцкага". Ля сцен цытадэлі гучалі знаёмыя мелодыі, на якіх вырасла не адно пасляваеннае пакаленне. Але яны дагэтуль кранаюць душу. Усе разам - і ў песні, і ў жыцці.

Памятныя мерапрыемствы ў Брэсцкай цытадэлі прайшлі ў асаблівай атмасферы. Тут як нідзе адчуваецца: беларусы ўмеюць трымаць удар. Якія б выпрабаванні не рыхтавала для нас жыццё і гісторыя, пакаленню пераможцаў па сілах усё пераадолець!