Аграрыі Гродзенскай вобласці адзначаюць "Дажынкі"

Яны ведаюць сапраўдную цану якасных і смачных прадуктаў на нашых сталах. Аграрыі Гродзенскай вобласці  адзначаюць "Дажынкі". Гэты год для хлебаробаў рэгіёна стаў асаблівым - атрымалася дасягнуць рэкордных паказчыкаў. У Мастах арганізавана праца выязных гандлёвых пунктаў і гастранамічны фестываль.

Працаўнікі сельскай гаспадаркі - гэта асаблівыя людзі ў Беларусі. Нават сёння, адзначаючы сваё свята, яны ўжо  абмяркоўваюць планы на будучы год. На гэта арыентуе і кіраўнік нашай дзяржавы. Аляксандр Лукашэнка прыбыў у Масты, каб раздзяліць гэты знамянальны дзень з аграрыямі. Прэзідэнт адзначыў, што Гродзенскі рэгіён  як адзін з лідараў  паступальна рухаецца наперад па ўсіх кірунках. Традыцыйна вобласць выходзіць на першае месца па ўраджайнасці - 54  цэнтнеры з гектара.