Актыўная ўборка яблыкаў у Мінскай вобласці. Аграрыі арыентуюцца ў асноўным на ўнутраны рынак

Верасень - гарачая пара для збору садавіны! Зараз фермеры актыўныя ва ўборцы яблыкаў. Так, у сялянскай гаспадарцы "Наватар-сад" у Дзяржынскім раёне ўжо больш за 20 гадоў развіваюць інтэнсіўнае садоўніцтва. Вытворчасць - тэхналагічная. З аднаго гектара тут атрымліваюць ад 50 да 100 тон! Дарэчы, самі яблыкі топавых замежных і беларускіх сартоў. Аграрыі арыентуюцца ў асноўным на ўнутраны рынак - ураджай запатрабаваны ў гандлёвых сетках сталіцы і рэгіёнаў.

Актыўныя ў гэты час і перапрацоўшчыкі садавіны і ягад. Так, кожны дзень на Стаўбцоўскі філіял Гарадзейскага цукровага камбіната паступаюць дзясяткі тон яблыкаў. У прадпрыемства свой сад, а гэта 200 гектараў, плюс пастаўкі ад фермераў. Вітамінны кошык папаўняюць і жыхары Мінскай вобласці, якія прывозяць у Стоўбцы на перапрацоўку лішкі са сваіх падворкаў.

У Стоўбцах вырабляюць адзін з самых запатрабаваных відаў прадукцыі - павідла і джэм. Попыт стабільна высокі ў кандытараў нашай краіны, а таксама Расіі і Казахстана. Супрацоўнічаюць айчынныя прамыслоўцы і з нашымі малочнымі камбінатамі.