Акцыю "Ад усёй душы" сустракалі ў кожным раёне Мінска

Усю Беларусь ахапіла і акцыя "Ад усёй душы". Напярэдадні яе сустракалі ў кожным раёне Мінска.

У Ленінскім - канцэрт і забаўная праграма для дзяцей вайны, ветэранаў працы, прадстаўнікоў Беларускага саюза афіцэраў, а яшчэ песні, танцы, вершы і нават гульня на інструментах. Ці гэта не паказчык павагі і падзякі ад малодшых да старэйшых. Пераемнасць пакаленняў - адзін з галоўных прынцыпаў акцыі "Ад усёй душы". Казку (а дарослым яна таксама патрэбна) дарылі Дзед Мароз і Снягурка. На некалькі хвілін яны пагрузілі гасцей у самае сапраўднае дзяцінства.

Не засталіся ў баку і грамадскія арганізацыі. Як завяршальны акорд мерапрыемства - падарункі ад Беларускага рэспубліканскага саюза моладзі. Але галоўнае - падарыць пажылым увагу і клопат.