Аляксандр Бутараў правёў асабісты прыём грамадзян Чэрвеньскага раёна

Выслухаць, разабрацца і прыняць правільнае рашэнне! Сёння праблемныя сітуацыі жыхароў Чэрвеньскага раёна абмяркоўваліся на асабістым прыёме грамадзян, які правёў памочнік Прэзідэнта - інспектар па Мінскай вобласці Аляксандр Бутараў. Адзін з калектыўных зваротаў ад работнікаў Мінскай абласной сельскагаспадарчай доследнай станцыі Акадэміі навук з просьбай вызначыць статус прадпрыемства і яго далейшы лёс. Цэлы блок пытанняў тычыўся энергазабеспячэння. Для жыхароў адной з вёсак не могуць правесці электраацяпленне, а газіфікацыя - дорага. Аляксандр Бутараў даручыў прааналізаваць усю сітуацыю з палівам ці электрычнасцю і паскорыць мадэрнізацыю сетак. Асобна спыніліся і на просьбе пенсіянера Эрнэста Вяржынскага. Інваліду ІІ групы не хапае дроў, якія ён набывае на зіму па льготных цэнах. У выніку размовы агучылі адзін з магчымых варыянтаў вырашэння пытання - за кошт адходаў дрэваапрацоўкі.

Усяго Аляксандр Бутараў сёння разгледзеў каля 10 пытанняў, адказаў і на тэлефонныя званкі. Рашэнні па ўсіх праблемных сітуацыях ўзятыя на кантроль.