Аляксандр Лукашэнка прыняў удзел у закладцы алеі памяці ў Брагіне

Беларусь сёння ўспамінае трагічную дату ў гісторыі. 35 гадоў таму на Чарнобыльскай АЭС адбылася найбуйнейшая тэхнагенная катастрофа. З яе наступствамі мы вымушаны спраўляцца дагэтуль.

У красавіцкія дні маршрут камандзіровак Прэзідэнта традыцыйны ўжо шмат гадоў. Жыццё людзей на пацярпелых тэрыторыях і аднаўленне зямель усе гэтыя гады пад асабістым кантролем кіраўніка дзяржавы. Сёння падчас рабочай паездкі ў Брагін Аляксандр Лукашэнка даў дадатковыя даручэнні па добраўпарадкаванні і развіцці рэгіёна. Задача – дакладна вызначыць зямельныя ўчасткі, дзе можна і трэба будаваць жыллё.

Трагічнай даце будзе прысвечана алея памяці ў парку Брагіна. 35 клёнаў сімвалізуюць 35 гадоў з дня катастрофы. Аляксандр Лукашэнка сёння прыняў удзел у яе закладцы. Там жа ўсталявалі і памятны знак. Пра заўтрашні дзень рэгіёна адбыўся дыялог з тымі, каму гэтую будучыню будаваць. Магчыма, неўзабаве тут з'явіцца і свая футбольная каманда. Запыт на гэта ёсць. Сёння цяжка ўявіць, але калі б не прынцыповае рашэнне Прэзідэнта ў свой час, жыццё ў гэтых рэгіёнах наўрад ці адрадзілася б. Дзесяцігоддзямі гэтыя землі ў нашай краіне аднаўлялі.

Праз 35 гадоў пасля аварыі мы бачым: гарады ажываюць, людзі вяртаюцца, адкрываюцца сацыяльныя аб'екты. Подзвіг герояў-чарнобыльцаў узрушыў увесь свет - яны свядома ахвяравалі сабой у імя жыцця іншых. Чарнобыльскі ўдар згуртаваў беларусаў у імкненні захаваць пацярпелыя рэгіёны, захаваць сваю краіну.

Сёння эмацыйны дзень для кожнага, каго закранула чарнобыльская бяда. Тыя, хто не на словах, а на практыцы ведае, як няпроста было аднаўляць рэгіён, не ўпусцілі магчымасці асабіста падзякаваць за гэта Прэзідэнту. Спантанная, але вельмі душэўная размова са словамі падтрымкі, аб здароўі, аб моладзі і аб будучыні нашай краіны. Падрабязнасці ў наступных інфармацыйных выпусках.