Ангіяграфічны кабінет адкрыецца ў Барысаве

Новыя метады лячэння асвойваюць урачы Мінскай вобласці. Першы ангіяграфічны кабінет хутка адкрыецца ў Барысаве. Аказваць медыцынскую дапамогу там будуць у першую чаргу пацыентам з кардыялагічнымі паталогіямі. Гэта стала магчымым дзякуючы маштабнаму абнаўленню Цэнтральнай раённай бальніцы. Выконваць высокатэхналагічныя аперацыі там будуць не толькі жыхарам Барысава, але і суседніх гарадоў.

На тэрыторыі клінікі зараз працуюць і будаўнікі. У наступным годзе ў Барысаве плануюць адкрыць шматфункцыянальны дзіцячы корпус. Аказваць дапамогу там таксама будуць пацыентам з розных гарадоў вобласці. У хуткім часе ў Барысаве пачнуць узводзіць новую станцыю пералівання крыві.