Апарат штучнай вентыляцыі лёгкіх з'явіўся ў Доме дзіцяці № 1 г. Мінска

Аб'яднацца ў добрай справе і ратаваць жыцці. Апарат штучнай вентыляцыі лёгкіх з'явіўся сёння ў сталічным Доме дзіцяці № 1. Падарунак перадалі ў рамках дабрачыннай акцыі Беларускі фонд міру сумесна з буйной гандлёвай сеткай краіны. З'яўленне новага абсталявання дазволіць аблегчыць і палепшыць якасць жыцця большай колькасці дзяцей. Установа аказвае паліятыўную стацыянарную дапамогу. Таксама выязджаюць у сем'і, дзе выхоўваюцца цяжкахворыя дзеці. Зараз у Мінску гэта больш за 270 хлопчыкаў і дзяўчынак.

Дабрачынная акцыя "Дай пяць дабру" праходзіць ужо некалькі гадоў і ахапіла ўсю Беларусь. Усяго ж у рамках праекта толькі сёлета закупілі 9 апаратаў штучнай вентыляцыі лёгкіх.