Апарат ШВЛ перадалі Дому дзіцяці ў Мінску

Аб'яднацца ў добрай справе і ратаваць жыцці. Апарат штучнай вентыляцыі лёгкіх з'явіўся сёння ў сталічным Доме дзіцяці № 1. Каштоўны падарунак у рамках дабрачыннай акцыі перадалі Беларускі фонд міру сумесна з буйной гандлёвай сеткай краіны. З'яўленне новага абсталявання дазволіць аблегчыць і палепшыць якасць жыцця большай колькасці дзяцей. Установа аказвае паліятыўную стацыянарную дапамогу. Таксама выязджаюць у сем'і, дзе выхоўваюцца цяжкахворыя дзеці. Зараз у сталіцы іх больш за 270.

Дабрачынная акцыя "Дай пяць дабру" праходзіць ужо некалькі гадоў і ахапіла ўсю Беларусь. Нядаўна спецыяльную медтэхніку, напрыклад, атрымалі дамы дзіцяці ў Гродне і Магілёве. Усяго ж у рамках праекта толькі сёлета закупілі 9 апаратаў ШВЛ.