Авіяцыя МНС Беларусі ліквідуе буйны пажар у раёне турэцкага Мармарыса

Ліквідаваць буйны лясны пажар у раёне турэцкага Мармарыса калегам дапамагаюць беларускія ратавальнікі. Экіпаж Мі-8 напярэдадні выканаў 3 палёты, налёт склаў амаль 6 гадзін. Наш борт працуе ў міжнароднай камандзе сумесна з іншымі верталётамі і самалётамі. Разам з наземнымі сіламі ідзе абарона горада ад наймацнейшага пажару. Пасля невялікага начнога перапынку, падчас якога наземныя спецыялісты авіяцыі МНС Беларусі праводзяць тэхнічнае абслугоўванне верталёта, Мі-8 ізноў пачынае тушэнне. Другі беларускі верталёт знаходзіцца ў іншай частцы Турцыі. Гэты экіпаж таксама гатовы да выканання задач і ў выпадку запыту ад мясцовых улад выканае пералёт да іншага ачага.