Аўтобус з беларусамі перакуліўся ў Польшчы: ёсць пацярпелыя

У Польшчы перакуліўся аўтобус з беларусамі, ёсць пацярпелыя. Аварыя адбылася недалёка ад Цярэспаля (побач з беларускай мяжой). Паводле папярэдняй інфармацыі, 11 чалавек былі дастаўлены ў бальніцу ў Бяла-Подлясцы для абследавання, сярод іх двое дзяцей, яшчэ 17 пасажырам дапамогу аказалі на месцы, паведамілі ў мясцовай паліцыі. Усяго ў аўтобусе знаходзіліся 49 чалавек - машына накіроўвалася з Беларусі ў аэрапорт пад Варшавай. МЗС нашай краіны сочыць за сітуацыяй.