Аўтапарк сельгазарганізацый Мінскай вобласці папоўняць 130 новых машын "Гомсельмаш"

Беларускія аграрыі на парозе масавага жніва. Сельгазарганізацыі Мінскай вобласці гатовыя да выхаду ў палі. Задзейнічаюць больш як 1700 камбайнаў. Аўтапарк цэнтральнага рэгіёна сёлета папоўняць і 130 новых машын "Гомсельмаш". Адна з такіх заняла сваё месца і ў сельгасфіліяле Мінскаблаграсервіса. У гэтай гаспадарцы Мядзельскага раёна праводзяць круглагодныя цыклы дакладнага земляробства. Гэта электронныя карты палёў, рэжым аўтапілота, у перспектыве - правядзенне замераў вільготнасці збожжа прама ў кабіне камбайна. Адной з першых культур мядзельскія аграрыі пачнуць убіраць рапс.

Сельгасфіліял Мінскаблаграсервіса працуе ўсяго другі аграсезон. За гэты час спецыялісты даказалі, што кукурузу можна паспяхова вырошчваць і ў паўночных шырынях.