Аўтапрабег-марафон "Сімвал адзінства" працягвае падарожжа па Віцебскай вобласці

Сёння працягваецца падарожжа па Віцебскай вобласці рэспубліканскага аўтапрабегу "Сімвал адзінства". Галоўная мэта - аб'яднаць беларусаў у рамках Года і Дня народнага адзінства. Сімвал патрыятычнай акцыі - зерне. Яго ўрачыста перадалі ад Віцебскага раёна ўдзельнікам аўтапрабегу ў парку Пераможцаў паўночнага рэгіёна. Гэта ўклад у вялікі каравай, які спякуць да свята Дня народнага адзінства. Патрыёты таксама ўсклалі кветкі да Вечнага агню ля помніка воінам-вызваліцелям, партызанам і падпольшчыкам на плошчы Перамогі ў Віцебску.

Наперадзе ва ўдзельнікаў аўтапрабегу дзясяткі прыпынкаў ля памятных месцаў Віцебскага рэгіёна: Алея Герояў у Сянно, помнік "Вызваленне" ў Талачыне... Завершыцца сённяшні аўтапрабег у Оршы. А ўжо заўтра эстафету перададуць Магілёўскай вобласці.