"Беларусь інтэлектуальная": больш за 30 тыс. наведвальнікаў за тры дні работы

Беларуская навука загучала больш гучна - работа выставы "Беларусь інтэлектуальная" паказвае рэкорды - мерапрыемства за тры дні наведалі звыш 30 тыс. мінчан і гасцей сталіцы. Гэтыя лічбы павялічацца: работа экспазіцыі падоўжана да канца тыдня, а затым беларускія інавацыі паедуць у рэгіёны. У вялізным павільёне - каля тысячы ўзораў самых перадавых дасягненняў ад навукоўцаў Нацыянальнай акадэміі навук, ведамстваў, тэхнапаркаў і маладых спецыялістаў.

Усе распрацоўкі на выставе - гэта не толькі ўражанні, але і рэклама нашай краіны на сусветнай арэне, і прэзентацыя нашых магчымасцяў. Акупнасць некаторых праектаў - да 100 долараў за 1 рубель.