Беларускаму экзархату - 35 гадоў

11 кастрычніка 1989 года рашэннем Архірэйскага сабора Рускай праваслаўнай царквы быў створаны Беларускі экзархат.

Сёння сучасная Беларуская праваслаўная царква адзначае дату свайго самавызначэння і набыцця асобнай, самастойнай структуры.

Гісторыя праваслаўя на нашых землях, якая налічвае больш як 1030 гадоў, набыла новы віток развіцця. Пасля эпохі атэізму людзі вярнуліся ў храм. Сталі будавацца новыя і адраджацца старажытныя цэрквы і манастыры. Узрошчвалася новае пакаленне беларускіх святароў, якія неслі служэнне на сваёй зямлі.

Нованароджаны царкоўны інстытут узначаліў мітрапаліт Мінскі і Гродзенскі Філарэт, 45 гадоў аддаў архірэйскаму служэнню Беларусі праваслаўнай.

Адраджэнне Беларускай праваслаўнай царквы ў 90-х пачыналася з чатырох епархій - сёння ў вядзенні беларускага экзархата 15 епархий, 36 манастыроў і каля двух тысяч храмаў. Але галоўныя дасягненне мінулых трох з паловай дзесяцігоддзяў - гэта людзі, якія вярнуліся ў храм. Праваслаўная канфесія сёння самая шматлікая ў Беларусі.