Беларуская чыгунка запусціла электрацягнік бізнес-класа па маршруце Мазыр - Калінкавічы - Мінск

Беларуская чыгунка адкрыла новы маршрут.

Электрацягнік рэгіянальных ліній бізнес-класа па маршруце Мазыр - Калінкавічы - Мінск адправіўся 2 лістапада ў свой першы рэйс. Адкрыццё рэгулярнага руху стала магчымым дзякуючы завяршэнню работ па электрыфікацыі і мадэрнізацыі інфраструктуры ўчастка Калінкавічы - Барбароў.

Штодня перавозіць пасажыраў будуць дзве пары электрычак па маршруце Мазыр - Калінкавічы - Мінск і назад. Час у дарозе ў адзін бок складзе амаль 4 гадзіны.

У выхадныя дні ў саставе прадугледжваецца дзевяць вагонаў, у астатнія - чатыры. У адміністрацыі Беларускай чыгункі ўпэўнены: цягнік будзе запатрабаваным.

Адкрыццё рэгулярнага руху электрацягнікоў на ўчастку Мазыр - Калінкавічы - Мінск дазволіць палепшыць лагістыку паміж рэгіёнамі краіны і павысіць якасць паслуг Беларускай чыгункі.