Беларускія пагранічнікі на мяжы з Польшчай знайшлі чарговы труп бежанца

У балоце на беларуска-польскай мяжы быў заўважаны труп бежанца, паведамляе БЕЛТА.

Як расказалі ў Дзяржпагранкамітэце, гродзенскія пагранічнікі ў Свіслацкім раёне 15 лістапада выявілі бежанца - грамадзяніна Еменскай Рэспублікі, у якога адсутнічалі прыкметы жыцця. Цела знаходзілася ў балоце ў непасрэднай блізкасці ад мяжы з Польшчай.

Як удакладнілі ў Следчым камітэце, на месцы здарэння працавала следча-аператыўная група.

Усталявана, што цела іншаземца знаходзілася ў балоце, побач быў знойдзены рукзак з асабістымі рэчамі і дакументамі загінуўшага.

У СК падкрэслілі, што злачынныя дзеянні службовых асоб сумежнага боку задакументаваныя. Свіслацкім райаддзелам СК будзе дадзена прынцыповая прававая ацэнка здарэння.