Беларускія абітурыенты здаюць ЦТ па матэматыцы

У Беларусі працягваецца асноўны этап уступнай кампаніі. Сёння абітурыенты здаюць цэнтралізаванае тэсціраванне па матэматыцы. Яно другое па папулярнасці пасля рускай мовы. Сёння тэсты напішуць каля 40 000 чалавек. Доўжыцца выпрабаванне тры гадзіны. А вынікі з'явяцца праз 10 дзён. Сёлета мінімальны прахадны бал - 20; калі матэматыка - другі профільны прадмет, то ўдвая меншы. Дарэчы, ужо на гэтым тыдні з'явяцца вынікі самага першага ЦТ па беларускай мове. Сертыфікаты пачнуць выдаваць з 10 ліпеня.