Беларускія кампаніі бяруць удзел у МАКС-2021

Новы ваенны знішчальнік, беспілотнікі-камікадзэ і грамадзянская авіяцыя. У расійскім Жукоўскім адкрыўся міжнародны авіясалон. Беларусь на МАКС 2021 прадстаўляюць 5 кампаній. Гэта і знакаміты 558-мы авіярамонтны завод. Прадпрыемства аднаўляе практычна ўсе віды ваенных самалётаў, акрамя таго, займаецца распрацоўкай ударных беспілотнікаў. Таксама на МАКС беларусы дэманструюць абароненыя наўтбукі-універсалы. Іх можна ўстанавіць на любы від ваенных самалётаў, караблёў і танкаў і новыя мікрасхемы памяці. Для нашай краіны Расія - асноўны эканамічны партнёр у ваенна-тэхнічнай сферы. Штогод Беларусь пастаўляе сюды прадукцыю грамадзянскага і ваеннага прызначэння на 300 мільёнаў долараў. І сёння, калі нашы краіны адчуваюць моцны санкцыйны націск з боку Еўрасаюза і Захаду, ваенная кааперацыя толькі ўзмацняецца.

Акрамя беларускіх прадпрыемстваў, на МАКС прадстаўлены кампаніі з Бельгіі, Бразіліі, Вялікабрытаніі, Чэхіі, Германіі, Індыі, Ірана, Кітая, ЗША, Францыі, і вядома Расіі. На авіяфоруме і доўгачаканая прэм'ера, якую доўга трымалі ў сакрэце. Удзельнікі ўбачылі новы расійскі знішчальнік пятага пакалення з адным рухавіком. Да гэтага моманту ўсе баявыя самалёты Расіі былі абсталяваныя двума.