"Беларускія песняры" выканалі песню ў памяць аб Аляксандры Пракапенку

Яго звалі брыльянтам савецкага футбола, і менавіта ён стаў галоўным героем трыумфу мінскага "Дынама" ў пераможным розыгрышы чэмпіянату СССР 1982 года.

Сёння спаўняецца роўна 30 гадоў, як не стала нападаючага Аляксандра Пракапенкі. Да гэтай даты ўдзельнікі легендарнага складу "Песняроў" Валерый Дайнека і Уладзіслаў Місевіч прысвяцілі песню свайму сябру. Акрамя таго, плануецца ўсталёўка двух помнікаў - у Бабруйску і Мінску. Аляксандр Пракапенка стаў бронзавым прызёрам Алімпійскіх гульняў 1980 года. А ўсяго ў чэмпіянаце СССР забіў 52 мячы ў 168 матчах.