Беларускія ратавальнікі вяртаюцца з Украіны на радзіму

Беларускія ратавальнікі вяртаюцца на радзіму. Напярэдадні калона даставіла гуманітарную дапамогу ў прыфрантавыя раёны Украіны. Груз быў перададзены адміністрацыям Данецкай і Луганскай абласцей. Пералік тавараў узгоднены з украінскім бокам. Мэбля і халадзільнікі прызначаны для адукацыйных і лячэбных устаноў рэгіёна. Гэта значыць, што да пачатку навучальнага года школы Данбаса атрымаюць новыя парты, шафы і крэслы.

Зараз калона знаходзіцца ў Харкаве. Сёння беларускіх ратавальнікаў чакае пераезд у Мінск праз Кіеў.