Беларускія вайскоўцы працягваюць рэпетыцыі парада

Менш як месяц застаецца да святкавання Дня Незалежнасці. І сёння вечарам на мінскай кальцавой абмяжуюць рух транспарту, у тым ліку і грамадскага. З 8 вечара на паўгадзіны спыніцца знешняе кальцо - ад Байкальскай да вуліцы Скарыны. Свае трэніроўкі правядзе рота ганаровай варты. Таму з 9 вечара да 11 немагчыма будзе праехаць па праспекце Машэрава ад вуліцы Даўмана да праспекта Пераможцаў. Дзяржаўтаінспекцыя рэкамендуе вадзіцелям планаваць маршрут загадзя.