Беларускі паралімпійскі камітэт адстойвае правы атлетаў

Адстойваць правы спартсменаў працягвае Беларускі паралімпійскі камітэт. Як вядома, наша каманда разам з расіянамі была без падстаў адхілена ад Алімпіяды ў Пекіне. Больш за тое, заяўкі нашых атлетаў адхілены і на ўдзел у найбліжэйшых міжнародных стартах, на якіх у тым ліку будуць набірацца ачкі і выконвацца нарматывы ўжо на летнія Гульні. Нагадаем, яшчэ ў сакавіку наш Паралімпійскі камітэт звярнуўся па растлумачэнні ў міжнародную арганізацыю, але адказу няма да гэтага часу. Акрамя таго, нацыянальныя паралімпійскія камітэты ўсіх краін атрымалі з Мінска лісты, дзе дакладна па пунктах паказаны ўсе парушэнні пасля такога рашэння. І гэта далёка не ўсе крокі для абароны інтарэсаў нашых спартсменаў.

У гэтым сезоне, на жаль, не будзе беларусаў і на чэмпіянаце свету па паралімпійскім плаванні - у чэрвені ў Партугаліі на некалькіх этапах Кубка свету па фехтаванні, а таксама планетарным першынстве па лёгкай атлетыцы, безумоўна, калі не атрымаецца аднавіць справядлівасць. Затое сапраўды ўбачым беларусаў у кастрычніку ў Сочы - у планах правядзенне мультыспартыўнага паралімпійскага форуму ўжо па летніх відах спорту.