Беларускі самалёт не ўпусцілі ў паветраную прастору ЕС

У Белавіа напярэдадні пракаменціравалі сітуацыю з рэйсам Мінск - Барселона. Гендырэктар кампаніі заявіў, што гэта парушэнне міжнародных канвенцый. Нагадаем, учора днём самалёт не ўпусцілі ў паветраную прастору Польшчы. Борт завіс каля межаў, зрабіў каля дзесяці кругоў, спальваючы паліва, і вярнуўся ў паветраную гавань у Мінск. На борце Embraer-195 знаходзіліся 55 пасажыраў. У перавозчыка былі ўсе дазволы на выкананне палёту. Паветранае судна вылецела з аэрапорта згодна з раскладам. Аднак за тры хвіліны да ўзлёту авіяцыйныя ўлады Францыі ў ручным рэжыме дэактывавалі план палёту гэтага рэйса без апавяшчэння авіякампаніі. Пры наборы вышыні камандзіру была перададзена гэтая інфармацыя праз Упраўленне паветраным рухам Польшчы. Спробы змяніць маршрут у паветры падчас перамоў з Упраўленнем паветраным рухам Марсэля да станоўчага выніку не прывялі.

Значная колькасць зваротаў ад іншаземцаў, якія не могуць вярнуцца дамоў, паступае ў Дзяржпагранкамітэт нашай краіны. На гэты конт у ведамстве агучылі рэкамендацыі.

Антон Бычкоўскі, афіцыйны прадстаўнік Дзяржпагранкамітэта Беларусі: У Дзяржаўны пагранічны камітэт і тэрытарыяльныя органы пагранічнай службы паступае значная колькасць зваротаў замежных грамадзян, што датычыцца іх вяртання да месца пастаяннага жыхарства. Адзначаем, што гэтыя пытанні знаходзяцца па-за кампетэнцыяй органаў пагранічнай службы.