Белпошта падрыхтавала экспазіцыю, прысвечаную Раству і Новаму году, а таксама тэматычную фотазону

Філатэлістычная выстава спецыяльна да зімовых свят. Белпошта падрыхтавала экспазіцыю, прысвечаную Раству і Новаму году.

На тэматычных стэндах прадукцыя, пачынаючы з 1996 года. Менавіта тады ў абарачэнне ўвялі навагоднія маркі. Прадэманстраваны таксама стылізаваныя карткі, паштоўкі, канверты ад рэтра да сучасных серый. Можна назіраць, як мяняліся мастацкія трэнды і развіваліся паліграфічныя тэхналогіі.

Акрамя таго, напярэдадні свят у "Паштовым салоне" аформілі фотазону ў класічным стылі. Гэта "ўтульная хатняя замалёўка", у цэнтры якой ёлка. Снежна-залатая гама і цацкі ручной працы. Дызайнерамі і творцамі сталі самі супрацоўнікі.

Дызайнерскае афармленне ёлкі, што ў сталічным паштамце, гэта не канстанта. Зараз у калекцыі 170 цацак ручной працы, але па меры творчага працэсу кампазіцыю дапоўняць новыя элементы.

Калекцыянеры і посткросеры, філатэлісты-аматары і проста мінчане, зрабіць атмасферны кадр і ацаніць тэматычную выставу можа кожны. Навагодні настрой у "Паштовым салоне" забяспечаць як мінімум да сярэдзіны студзеня.