Больш за 130 наезнікаў прынялі ўдзел у навагоднім канкуры ў Ратамцы

Навагодні канкур прайшоў у Рэспубліканскім цэнтры алімпійскай падрыхтоўкі коннага спорту і конегадоўлі. Больш за 130 наезнікаў прынялі ўдзел у адкрытых спаборніцтвах: самаму малодшаму канкурсанту 12 гадоў, а самаму старэйшаму - за 60. Тры маршруты, тры розныя вышыні і на завяршэнне касцюміраваны канкур. Навагодні настрой стварае і тэматычны дэкор на іпадроме.

А ўжо заўтра і ў чацвер у Ратамцы пройдзе вялікі Зімовы карнавал. Конныя спаборніцтвы ў навагоднім антуражы з казачнымі персанажамі і тэматычным музычным суправаджэннем.