Балельшчыкі працягваюць прыбываць на чэмпіянат свету па футболе

Больш чым паўтары тысячы фанатаў ужо ўехалі транзітам у Расію праз Беларусь у рамках бязвізавага пагаднення. Гэта госці з 68 краін, сярод іх найбольшая колькасць балельшчыкаў з Перу, Аргенціны і ЗША. Напярэдадні вечарам група з 54 турыстаў прайшла пагранічны кантроль у Брэсце. Яны ехалі ў цягніку Варшава - Масква.

Чэмпіянат свету па футболе, нагадаем, праходзіць у Расіі з 14 чэрвеня па 15 ліпеня.

На час чэмпіянату свету па футболе Беларусь і Расія падпісалі міжурадавае пагадненне аб уездзе замежных грамадзян на міжнародныя спартыўныя мерапрыемствы без віз. Дакумент дзейнічае з 4 чэрвеня па 25 ліпеня. Чакаецца, што беларускую мяжу за гэты час перасякуць каля 150 тысяч чалавек.