Батанічны сад: як пачыналася нацыянальная калекцыя руж
У Цэнтральным батанічным садзе Беларусі зараз каралеўскі час - квітнеюць ружы! Іх цвіценню ў галоўным дэндрарыі краіны прысвячаюць асаблівыя святы. Так, першыя дні ліпеня сад сабраў прыхільнікаў флоры на тэматычныя праграмы з майстар-класамі. Цяпер у садзе вольнае наведванне ружоўніка.
І такое ружавае падарожжа - вялікі падарунак самому сябе. У гэтым упэўнілася і Наталля Бардзілоўская.
Батанічны сад: час руж
Вось так пачыналася нацыянальная калекцыя руж! Тагачасныя садаводы адаптавалі ружавы парастак да нашых земляў. Праз стагоддзі навукоўцы-генетыкі вывелі асаблівы сорт, ён даў аснову новага ружавага віду. Цяпер у беларускай калекцыі - у зборы Батанічнага сада - 270 сартоў "каралеўскай" кветкі. Ружавая гісторыя пачалася паралельна з летапісам самога дэндрарыума - у 30-ых. Калекцыю-пачаткоўцу збіралі са свету па нітцы: дзяліліся Масква, Ялта, Алматы. Да вайны Батанічны сад меў 30 сартоў руж. За ваенныя саракавыя ўсё страціў. З 50-ых - новы подых у "ружавай справе". Сённяшні ружарый поўны прыгажунь з Польшчы, Францыі, Нідэрландаў, ЗША. Вось наша беларуская ружачка - "надзея", забрала колер у сонца - выведзена 20 гадоў таму.
Самая марозаўстойлівая і непатрабавальная ружа Батанічнага сада – з Германіі. "Раўбітэр" - у тутэйшай калекцыі з'яівлася ў 70-ыя і адразу стала любіміцай дзякуючы свайму пяшчотнаму колеру, пяшчотнаму водару і акруглай форме. Дарэчы, сам куст выглядае больш прыязна, калі яго пастрыгаюць акругла!
Прыз сімпатый наведвальнікаў - у руж чайна-гібрыдных і "фларыбунда". Апошні час - асаблівае публічнае захапленне ад руж Осціна і ад ружавай брамкі, спецыяльнай фотазоны, якую зрабілі для прыхільнікаў сэлфі. Днямі яны літаральна атакавалі Мінскі ружарый - у садзе прайшло традыцыйнае свята, прымеркаванае да ружавага цвіцення.
Усе экскурсіі і майстар-класы па ружавай справе тут дае Таццяна Нікановіч. Супрацоўнік Батанічнага сада спалучае асветніцкую дзейнасць з практычна-навуковай.
Пад ружы у Батанічным садзе адведзены гектар зямлі. 107 клумбаў размясціліся на тэрыторыі. Яна зараз самая прыцягальная: яркая, квітнеючая, пахучая. Сёлета ружа зацвіла нават раней за тэрміны - спякотнае лета! Будзе цёпла - парадуе сваім буяннем да сярэдзіны восені.