БСЖ падпісаў Пагадненне аб супрацоўніцтве з Фондам падтрымкі і развіцця жаночых ініцыятыў

Выхад на новыя гарызонты супрацоўніцтва. Беларускі саюз жанчын падпісаў пагадненне з Фондам падтрымкі і развіцця жаночых ініцыятыў, які прадстаўляе атамную галіну Расіі.

Дакумент прадугледжвае ўдзел актыўных прадстаўніц далёка не слабага полу ў розных сумесных праектах. Да прыкладу, па падтрымцы жанчын інжынерна-тэхнічных спецыяльнасцяў, развіцці іх патэнцыялу, стварэнні камфортнага асяроддзя для прафесійнага росту і развіцця. У складзе дэлегацый жанчыны-лідары, кіраўнікі, прадстаўнікі дзелавых колаў, бізнесу і прадпрыемстваў.

Актывісты жаночага руху дзвюх краін пабывалі таксама на БелАЭС. Як вядома, атамная электрастанцыя - гэта найбуйнейшы саюзны праект у галіне энергетыкі. Асаблівую цікавасць выклікаў інфармацыйны і навучальна-трэніровачны цэнтры станцыі, а таксама сістэма падрыхтоўкі персаналу і поўнамаштабны трэнажор пульта кіравання энергаблокам.