Будаўніцтва чацвёртай лініі метро - як у Беларусі плануюць скараціць выкіды парніковых газаў

Да 2030 года ў Беларусі плануецца скараціць выкіды парніковых газаў. Дасягнуць гэтай мэты дапаможа развіццё метрапалітэна - аднаго з самых экалагічна чыстых відаў транспарта.

Працуе ад электрычнасці, без выкарыстання акумулятараў, знаходзячыся пад зямлёй, значна зніжае ўзровень шуму ў мегаполісе. Гэта станоўча адбіваецца на якасці жыцця гараджан, а таксама стварае спрыяльныя ўмовы для барацьбы са змяненнем клімату.

Нагадаем, Беларусь удзельнічае ў глабальных ініцыятывах па барацьбе са змяненнямі клімату, выконвае праграмы па Мэтах устойлівага развіцця, дзе сярод задач і паніжэнне ўздзеяння жыцця гарадоў на экалогію і якасць паветра. І з гэтымі мэтамі выдатна спраўляецца метро. Дарэчы, менавіта 24 сакавіка 1984 года адбыўся пробны рэйс цягніка першай лініі. А ўжо ў 2020 годзе Прэзідэнт урачыста адкрываў трэцюю ветку.

Так, у Мінску ўжо плануецца будаўніцтва чацвёртай лініі метро. На маршруце з'явяцца 17 станцый. Новая ветка злучыць тры лініі, якія ўжо існуюць. Жыхары змогуць зэканоміць 10-15 хвілін, пазбягаючы перасадак.