Будслаўскі фестываль праходзіць у Мінскай вобласці

Будслаўскі фестываль гэтымі днямі праходзіць у Мінскай вобласці. Гэта адно з галоўных святаў католікаў. Штогод у першыя дні ліпеня аграгарадок Будслаў ператвараецца ў адзін з найбуйнейшых паломніцкіх цэнтраў Еўропы. Сюды накіроўваюцца тысячы вернікаў, каб разам памаліцца і пакланіцца цудатворнаму ліку іконы Будслаўскай Божай Маці. Сёлета святкаванні прысвечаны юбілею - заўтра, 2 ліпеня, роўна чвэрць стагоддзя, як прайшла каранацыя іконы. З гэтай нагоды на ўрачыстасці прыбыў Папскі легат, прэфект Дыкастэрыі па справах Усходніх Цэркваў Святога Прастола архібіскуп Клаўдзіа Гуджэроці. На сустрэчы разам са старшынёй Мінаблвыканкама Аляксандрам Турчыным абмеркавалі аднаўленне храма.

Нагадаем, два гады таму ў Будслаўскім касцёле здарыўся пажар. Ратавальнікі амаль сем гадзін змагаліся з полымем. Агнём быў поўнасцю знішчаны дах, але ўсе каштоўнасці ўдалося выратаваць, у тым ліку і ікону Божай Маці. "Дзяржава ў рэстаўрацыі дапаможа", - запэўніў губернатар Мінскай вобласці.

Да юбілею каранацыі іконы Маці Божай Будслаўскай Белпошта выпусціла канверт з арыгінальнай маркай і спецыяльны штэмпель. Архібіскуп і старшыня Мінаблвыканкама правялі гашэнне дзяржаўнага знака. Пасля Клаўдзіа Гуджэроці здзейсніў Святую імшу і еўхарыстычную працэсію.

У 2018 годзе будслаўскі фестываль быў занесены ў Спіс нематэрыяльнай культурнай спадчыны ЮНЕСКА. І з кожным годам колькасць удзельнікаў фестывалю расце.